വിശ്വനാഥന്‍ ഒടാട്ട്‌
കൂട്ടുകുടുംബ വ്യവസ്‌ഥിതിയില്‍ നിന്ന്‌ അണുകുടുംബത്തിലേക്ക്‌ വന്ന മാറ്റം തന്നെ നമ്മെ എല്ലാ കാര്യങ്ങളിലും സ്വയം പര്യാപ്‌തരാക്കാന്‍ പ്രേരിപ്പിക്കുന്ന ഒന്നാണ്‌. കുഞ്ഞിന്‌ നല്ല ആരോഗ്യം, ഏറ്റവും മികച്ച വിദ്യാഭ്യാസം, അവര്‍ക്ക്‌ ഇഷ്‌ടപ്പെട്ട കോഴ്‌സു കള്‍ തിരഞ്ഞെടുത്ത്‌ ഉന്നത പഠനം, ഓരോ കുടുംബത്തിന്റെയും അന്തസ്സിനനുസരിച്ച വിവാഹം, സ്വന്തമായൊരു ഭവനം, അതല്ലെങ്കില്‍ പഠനം കഴിഞ്ഞശേഷം കൂടുതല്‍ മുതല്‍ മുടക്കോടെ ബിസിനസ്‌ എന്നിങ്ങനെ നീണ്ടുപോകുന്നു സ്വപ്‌നങ്ങളുടെ പട്ടിക.
സ്വപ്‌നങ്ങള്‍ സഫലമാകണമെങ്കില്‍ ശരിയായ ആസൂത്രണം കൂടിയേ തീരൂ. അതായത്‌ ഭാവിയിലെ കാര്യങ്ങള്‍ക്കായി പണം യഥാസമയം ആവശ്യാനുസരണം കിട്ടുന്ന നിക്ഷേപ പദ്ധതികള്‍ തെരഞ്ഞെടുക്കണമെന്ന്‌ ചുരുക്കം. അതില്‍ ഏറ്റവും പ്രധാനപ്പെട്ട ഒന്നാണ്‌ കുട്ടികള്‍ക്കുള്ള ഇന്‍ഷുറന്‍സ്‌ പോളിസികള്‍. ഇത്തരം പോളിസികളില്‍ റിസ്‌കുകള്‍ കവര്‍ ചെയ്യുന്നതോടൊപ്പം ഭാവിയിലെ ആവശ്യങ്ങള്‍ക്ക്‌ യഥാസമയം പണം ലഭ്യമാക്കുകയും ചെയ്യുന്നു. കുട്ടികളുടെ ഇന്‍ഷുറന്‍സ്‌ പോളിസി ഓരോ കുടുംബത്തിന്റെയും സാമ്പത്തിക ആസൂത്രണത്തിന്റെ അടിത്തറയാണ്‌. റിസ്‌ക്‌ ഉള്ള കാലത്തോളം സാമ്പത്തിക നഷ്‌ടങ്ങള്‍ ആകസ്‌മികമായി സംഭവിക്കുന്ന അവസരത്തില്‍ ഇന്‍ഷുറന്‍സിനുള്ള പ്രസക്‌തി കൂടിവരികയാണ്‌. വരുമാനമുള്ള രക്ഷിതാവിനെ സംബന്ധിച്ചിടത്തോളം അവരുടെ റിസ്‌കാണ്‌ ചില്‍ഡ്രന്‍സ്‌ പോളിസിയില്‍ കവര്‍ ചെയ്യുന്നത്‌. തുടര്‍ച്ചയായി പ്രീമിയം അടയ്‌ക്കേണ്ട ചുമതല രക്ഷകര്‍ത്താക്കള്‍ക്കാണ്‌. രക്ഷിതാവിന്‌ ആപത്ത്‌ സം?വിച്ചാല്‍ പ്രീമിയം തുടര്‍ന്ന്‌ അടയ്‌ക്കാതെ കവറേജ്‌ ലഭ്യമാവുന്ന പോളിസികളും നിലവിലുണ്ട്‌. അടയ്‌ക്കുന്ന പ്രീമിയത്തിന്‌ രക്ഷിതാവിന്‌ ആദായനികുതി ആനുകൂല്യവും ലഭ്യമാണ്‌.
ശ്രദ്ധവേണം ഇക്കാര്യങ്ങളില്‍
l ഓരോരുത്തരുടേയും ആവശ്യങ്ങള്‍ക്ക്‌ ഇണങ്ങുന്ന രീതിയിലായിരിക്കണം പോളിസികള്‍ എടുക്കേണ്ടത്‌.
l യൂണിറ്റ്‌ ലിങ്ക്‌ഡ്‌ പ്ലാനുകളിലെ വളര്‍ച്ചാ നിരക്ക്‌ വ്യത്യസ്‌തമാണ്‌, അതിനാല്‍ പ്ലാനിങ്ങില്‍ പിഴവ്‌ പറ്റരുത്‌.
l വളര്‍ച്ചാ നിരക്കുള്ള പോളിസിയാണെങ്കില്‍ അടയ്‌ക്കുന്ന പ്രീമിയത്തിന്റെ എത്ര ശതമാനമാണ്‌ നിക്ഷേപത്തിലേക്ക്‌ പോകുന്നതെന്നും പോളിസിയിലെ ചാര്‍ജുകള്‍ ഏതെല്ലാം, എത്ര ശതമാനം എന്നും രക്ഷിതാക്കള്‍ അറിഞ്ഞിരിക്കണം.
l പല പോളിസികള്‍ക്കും ഒരു നിശ്‌ചിത കാലാവധി വരെ പണം പിന്‍വലിക്കാന്‍ പറ്റില്ല എന്നതും പിന്‍വലിക്കുന്ന അവസരത്തില്‍ നഷ്‌ടപ്പെടുവാന്‍ സാധ്യതയുള്ള തുകയെ പറ്റിയുള്ള കാര്യങ്ങളും അറിഞ്ഞിരിക്കണം.
l പോളിസിയുടെ ഗുണങ്ങള്‍ അറിയുന്നതോടൊപ്പം മേല്‍പ്പറഞ്ഞ കാര്യങ്ങള്‍ നമുക്ക്‌ അറിയുന്ന ഭാഷയില്‍ എഴുതി വാങ്ങിക്കുക.
l പോളിസികള്‍ എടുക്കുന്നതിനു മുന്‍പായി അവയുടെ താരതമ്യ പഠനം നടത്തുക.
ഇന്ത്യയില്‍ ഇന്ന്‌ ചില്‍ഡ്രന്‍സ്‌ പോളിസികള്‍ക്ക്‌ വലിയ ഡിമാന്‍ഡാണ്‌. രാജ്യത്തെ പ്രമുഖ ലൈഫ്‌ ഇന്‍ഷുറന്‍സ്‌ കമ്പനികളുടെ ഏതാനും ചില പോളിസികളാണ്‌ ഇതോടൊപ്പം പട്ടികയില്‍ കൊടുത്തിട്ടുള്ളത്‌. തെറ്റായ വിപണന രീതി, പോളിസിയെക്കുറിച്ചുള്ള പരിമിതമായ അറിവ്‌ എന്നിവ മൂലം ഒട്ടേറെ പോളിസി ഉടമകള്‍ ഇന്ന്‌ ബുദ്ധിമുട്ടുകള്‍ അനുഭവിക്കുന്നുണ്ട്‌. അതുകൊണ്ട്‌ സാമ്പത്തിക ആസൂത്രണത്തെക്കുറിച്ചും, ഇന്‍ഷുറന്‍സ്‌ പോളിസിയെക്കുറിച്ചും വ്യക്തമായി അറിയാവുന്നവരില്‍ നിന്നേ പോളിസികള്‍ എടുക്കാവൂ.
എയിംസ്‌ ഇന്‍ഷുറന്‍സ്‌ ബ്രോക്കിംഗ്‌ പ്രൈവറ്റ്‌ ലിമിറ്റഡ്‌ ഡയറക്‌റ്ററാണ്‌ ലേഖകന്‍. മൊബീല്‍-98957 68333, ഇമെയ്‌ല്‍-odatt@aimsinsurance.in
കൂട്ടുകുടുംബ വ്യവസ്‌ഥിതിയില്‍ നിന്ന്‌ അണുകുടുംബത്തിലേക്ക്‌ വന്ന മാറ്റം തന്നെ നമ്മെ എല്ലാ കാര്യങ്ങളിലും സ്വയം പര്യാപ്‌തരാക്കാന്‍ പ്രേരിപ്പിക്കുന്ന ഒന്നാണ്‌. കുഞ്ഞിന്‌ നല്ല ആരോഗ്യം, ഏറ്റവും മികച്ച വിദ്യാഭ്യാസം, അവര്‍ക്ക്‌ ഇഷ്‌ടപ്പെട്ട കോഴ്‌സു കള്‍ തിരഞ്ഞെടുത്ത്‌ ഉന്നത പഠനം, ഓരോ കുടുംബത്തിന്റെയും അന്തസ്സിനനുസരിച്ച വിവാഹം, സ്വന്തമായൊരു ഭവനം, അതല്ലെങ്കില്‍ പഠനം കഴിഞ്ഞശേഷം കൂടുതല്‍ മുതല്‍ മുടക്കോടെ ബിസിനസ്‌ എന്നിങ്ങനെ നീണ്ടുപോകുന്നു സ്വപ്‌നങ്ങളുടെ പട്ടിക.
സ്വപ്‌നങ്ങള്‍ സഫലമാകണമെങ്കില്‍ ശരിയായ ആസൂത്രണം കൂടിയേ തീരൂ. അതായത്‌ ഭാവിയിലെ കാര്യങ്ങള്‍ക്കായി പണം യഥാസമയം ആവശ്യാനുസരണം കിട്ടുന്ന നിക്ഷേപ പദ്ധതികള്‍ തെരഞ്ഞെടുക്കണമെന്ന്‌ ചുരുക്കം. അതില്‍ ഏറ്റവും പ്രധാനപ്പെട്ട ഒന്നാണ്‌ കുട്ടികള്‍ക്കുള്ള ഇന്‍ഷുറന്‍സ്‌ പോളിസികള്‍. ഇത്തരം പോളിസികളില്‍ റിസ്‌കുകള്‍ കവര്‍ ചെയ്യുന്നതോടൊപ്പം ഭാവിയിലെ ആവശ്യങ്ങള്‍ക്ക്‌ യഥാസമയം പണം ലഭ്യമാക്കുകയും ചെയ്യുന്നു. കുട്ടികളുടെ ഇന്‍ഷുറന്‍സ്‌ പോളിസി ഓരോ കുടുംബത്തിന്റെയും സാമ്പത്തിക ആസൂത്രണത്തിന്റെ അടിത്തറയാണ്‌. റിസ്‌ക്‌ ഉള്ള കാലത്തോളം സാമ്പത്തിക നഷ്‌ടങ്ങള്‍ ആകസ്‌മികമായി സംഭവിക്കുന്ന അവസരത്തില്‍ ഇന്‍ഷുറന്‍സിനുള്ള പ്രസക്‌തി കൂടിവരികയാണ്‌. വരുമാനമുള്ള രക്ഷിതാവിനെ സംബന്ധിച്ചിടത്തോളം അവരുടെ റിസ്‌കാണ്‌ ചില്‍ഡ്രന്‍സ്‌ പോളിസിയില്‍ കവര്‍ ചെയ്യുന്നത്‌. തുടര്‍ച്ചയായി പ്രീമിയം അടയ്‌ക്കേണ്ട ചുമതല രക്ഷകര്‍ത്താക്കള്‍ക്കാണ്‌. രക്ഷിതാവിന്‌ ആപത്ത്‌ സം?വിച്ചാല്‍ പ്രീമിയം തുടര്‍ന്ന്‌ അടയ്‌ക്കാതെ കവറേജ്‌ ലഭ്യമാവുന്ന പോളിസികളും നിലവിലുണ്ട്‌. അടയ്‌ക്കുന്ന പ്രീമിയത്തിന്‌ രക്ഷിതാവിന്‌ ആദായനികുതി ആനുകൂല്യവും ലഭ്യമാണ്‌. ശ്രദ്ധവേണം ഇക്കാര്യങ്ങളില്‍
l ഓരോരുത്തരുടേയും ആവശ്യങ്ങള്‍ക്ക്‌ ഇണങ്ങുന്ന രീതിയിലായിരിക്കണം പോളിസികള്‍ എടുക്കേണ്ടത്‌.
l യൂണിറ്റ്‌ ലിങ്ക്‌ഡ്‌ പ്ലാനുകളിലെ വളര്‍ച്ചാ നിരക്ക്‌ വ്യത്യസ്‌തമാണ്‌, അതിനാല്‍ പ്ലാനിങ്ങില്‍ പിഴവ്‌ പറ്റരുത്‌.
l വളര്‍ച്ചാ നിരക്കുള്ള പോളിസിയാണെങ്കില്‍ അടയ്‌ക്കുന്ന പ്രീമിയത്തിന്റെ എത്ര ശതമാനമാണ്‌ നിക്ഷേപത്തിലേക്ക്‌ പോകുന്നതെന്നും പോളിസിയിലെ ചാര്‍ജുകള്‍ ഏതെല്ലാം, എത്ര ശതമാനം എന്നും രക്ഷിതാക്കള്‍ അറിഞ്ഞിരിക്കണം.
l പല പോളിസികള്‍ക്കും ഒരു നിശ്‌ചിത കാലാവധി വരെ പണം പിന്‍വലിക്കാന്‍ പറ്റില്ല എന്നതും പിന്‍വലിക്കുന്ന അവസരത്തില്‍ നഷ്‌ടപ്പെടുവാന്‍ സാധ്യതയുള്ള തുകയെ പറ്റിയുള്ള കാര്യങ്ങളും അറിഞ്ഞിരിക്കണം.
l പോളിസിയുടെ ഗുണങ്ങള്‍ അറിയുന്നതോടൊപ്പം മേല്‍പ്പറഞ്ഞ കാര്യങ്ങള്‍ നമുക്ക്‌ അറിയുന്ന ഭാഷയില്‍ എഴുതി വാങ്ങിക്കുക.
l പോളിസികള്‍ എടുക്കുന്നതിനു മുന്‍പായി അവയുടെ താരതമ്യ പഠനം നടത്തുക.
ഇന്ത്യയില്‍ ഇന്ന്‌ ചില്‍ഡ്രന്‍സ്‌ പോളിസികള്‍ക്ക്‌ വലിയ ഡിമാന്‍ഡാണ്‌. രാജ്യത്തെ പ്രമുഖ ലൈഫ്‌ ഇന്‍ഷുറന്‍സ്‌ കമ്പനികളുടെ ഏതാനും ചില പോളിസികളാണ്‌ ഇതോടൊപ്പം പട്ടികയില്‍ കൊടുത്തിട്ടുള്ളത്‌. തെറ്റായ വിപണന രീതി, പോളിസിയെക്കുറിച്ചുള്ള പരിമിതമായ അറിവ്‌ എന്നിവ മൂലം ഒട്ടേറെ പോളിസി ഉടമകള്‍ ഇന്ന്‌ ബുദ്ധിമുട്ടുകള്‍ അനുഭവിക്കുന്നുണ്ട്‌. അതുകൊണ്ട്‌ സാമ്പത്തിക ആസൂത്രണത്തെക്കുറിച്ചും, ഇന്‍ഷുറന്‍സ്‌ പോളിസിയെക്കുറിച്ചും വ്യക്തമായി അറിയാവുന്നവരില്‍ നിന്നേ പോളിസികള്‍ എടുക്കാവൂ.
എയിംസ്‌ ഇന്‍ഷുറന്‍സ്‌ ബ്രോക്കിംഗ്‌ പ്രൈവറ്റ്‌ ലിമിറ്റഡ്‌ ഡയറക്‌റ്ററാണ്‌ ലേഖകന്‍. മൊബീല്‍-98957 68333, ഇമെയ്‌ല്‍-odatt@aimsinsurance.in
No comments:
Post a Comment